Органицијата НовАсном смета дека неодамнешната, втора Тиранска средба, впрочем како и првата, одржана пред пет години е, врвен непријателски чин кон Република Македонија и македонскиот народ. НовАсном категорично се спротиставува на секоја политика формулирана и креирана надвор од Република Македонија што, ги задира националните интереси на македонскиот народ но и на сите останати граѓани на Републиката.

Органицијата НовАсном смета дека, состанокот на албанските партии од Македонија кај премиерот Еди Рама во Тирана-Албанија, е во насока на јакнење на  меѓуетничкиот раздор и разгорување на етничка нетолеранција и недоверба помеѓу Македонците и Албанците во Македонија. Се сомневаме дали македонските партии, пред се СДСМ, имаат точен и искрен податок од албанските политички лидери пред се од коалициониот партнер ДУИ, што точно се разговарало за иднината на државата и какви тоа „визии“ биле на политичкото „мени“ на масата на Еди Рама. Токму поради тоа, расте недовербата кај Македонците кон Албанците

Истовремено прашуваме зошто македонските партии, сите до една, конечно веќе еднаш не седнат на заедничка маса и зошто, за македонската иднина да разговараат албанските партии во Тирана а не и македонските партии во татковината, во Република Македонија?  Зошто македонските партии, сите до една, не манифестираат единство за клучните суштински и стратешки прашања и зошто немаат македонски „братски“ дијалог за иднината на Република Македонија? И најважното прашање: Зошто македонските и албанските партии во Република Македонија, сите до една, не седнат на заедничка маса, дома-тука во Скопје, да разговараат за македонската иднина, заеднички да „стокмат“ агенда во која, заеднички ќе ги детерминираат македонските интереси и приоритети за успех на нашата заедничка иднина? Зошто, браќа Македонци, конечно веќе еднаш, заеднички и братски, не порачаме: И без Македонците, нема Македонија?

Организацијата НовАсном смета дека оваа ненародна и одродничка власт, ја обезличи Република Македонија и насилно и предавнички ја прифати срамната географска одредница, Северна. Повикуваме и сакаме мирољубив соживот, базиран на почитување на законите и основните човекови права на сите граѓани на Македонија, на зачувувањето на македонското достоинство и дигнитетот, зачувување на македонскиот јазик и македонскиот идентитет.

Ове е генерациски предизвик пред кој, заеднички и братски треба цврсто исправени да стоиме. Тоа е нашата праведна  борба против одродниците и сите оние кои неправедно ни го одзедоа најсветото и вековното. Тоа е нашата праведна  борба за слободна и независна македонска држава за нас и нашите идни генерации.

Денеска на Македонската Јавност ја презентиравме пријавата која ја поднесовме против Република Бугарија во Европската Комисија. На Прес – Конференцијата беа присутни членовите на забранетата организација, Македонски клуб за етничка толеранција од Благоевград, Г-дин Ангел Радонов, секретарот на организацијата Г- дин Ордан Грозданов и адвокатот што ја спреми претсавката Благоја Пандовски. НовАсном е инцијатор, организатор и координатор на претставката која е финансиски подржана од неколку македонски здруженија како Светскиот Македонски Конгрес од Канада, Македонскиот Меѓународен Комитет за Човекови Права од Канада, и македонските патриоти Симо Поповски од Лондон, Иљо Јанев од Брисел, и двајца анонимни донатори еден од Германија и еден од Австралија. Благодарност до сите кои помогнаа оваа пријава да постане реалност.

Од сега течат рокови кои Европската Комисија треба да ги запази за да покрене инцијатива кон Бугарија. Доколку Европската Комисија се сложи со нашето мислење, на Бугарија ќе им бидат скратени или прекинати Европските Фондови наменети кон нејзе. Но доколку Европската Комија ништо не превземе, тоа нам ни дава право да ја тужиме Европската Комисија пред судот за правда во Брисел, суд кој е дел од Европската Унија и има извршни ингеренции. Ние сме спремни за секоја варијанта знаејќи дека со нас е вистината, правдата и храброста.

Организацијата НовАсном и се заблагодарува на Г-ѓа Благица Новковска, на нејзина иницијатива прифативме да донираме средства кои отидоа до Хуманитарната Организација Св. Спас од Драчево, која за нашиот напатен народ изготвува ручеци и ги дели на три пункта во Скопје, Драчево, Аеродром и Ѓорче Петров. Поред тоа Св. Спас дели пакети со храна до семејствата на кои тоа им е особено потребна и води грижлива евиденција да нема злоупотреби околу примателите на донациите. Г-ѓа Новковска изготви за НовАсном експертска анализа за лажираниот попис кој ќе биде наскоро достапен до јавноста. Благодариме.

И поред декларацијата на советот на град Благоевград за забраната на Македонскиот културен клуб Никола Вапцаров од Благоевград, членовите на забранетото здружение Македонски клуб за етничка толеранција синоќа одржаа седница. На седницата присутните го разгледаа писмото добиено од Комисијата за заштита на дискриминација на Република Бугарија и се расправаше по истото.

Со тоа, членовите на клубот демонстрираа храброст, непокор и слободоумие и ќе продолжат со собирање во просториите на клубот Никола Вапцаров во Благоевград се до негово затворање, ако воопшто тоа се случи.

Правото на здружување е фундаментално право втемелено во Членот 2 од Договорот на ЕУ и е едно од темелните вредности на Европската Унија. Со вчерашната одлука на советот на Град Благоевград, се рушат темелните вредности на Европската Унија.

Еве го резултатот од потпишаниот договор за добрососедство со Република Бугарија, Бугарски одлуки со кои се рушат темелните вредности на Европската Унија која не реагира на истите.

Организацијата НовАсном целосно го подржува клубот Никола Вапцаров во неговите напори да Македонците од Бугарија се здружуваат во здруженија а со забранетата организација Македонски клуб за етничка толерација од Благоевград превзема конкретни чекори со кои ги промовира и брани европските темелни вредности. Во скоро време ќе бидете известени за конкретните чекори кои НовАсном ги превзема заедно со забранетото здружение Македонски клуб за етничка толераницја кои, доколку се следи правото на ЕУ, ќе имаат далекусежни можни последици врз Република Бугарија.

Организацијата НОВАСНОМ, денеска, на 81 годишнината од  Денот на народното востание на македонскиот народ, оддава огромна почит кон сите востаници во борбата против фашизмот и фашистичкиот окупатор на македонската земја. Денеска, со огромен пиетет, оддаваме признание за македонските херои кои, ја започнаа борбата за слобода и ослободување на македонскиот народ и македонската земја од окупаторите фашистички. Тие, храбро се бореа и гинеа за самостојна Македонија, за самобитност и самостојност на македонскиот народ.

Организацијата НОВАСНОМ, смета дека, денеска, за жал дојде време, кога треба да кажеме дека заради оваа одродничка власт, предадени се нивните идеали и визии, нивната борба и жртви се погазени и дека Република Македонија ја ликвидираа, ја заменија со Северна, ја нагрдија, ја обезличија и им ги одзедоа правата и достоинството на Македонците. Денеска, пред Македонската нација, „висат“ истите пранги окупаторски, истите закани за целосно деградирање и девалвирање на достоинството на Македонците, за газење и бришење на историјата Македонска, демнат подли обиди за бугаризација, да се сотрат традициите, обичаите и културата Македонска. И сето тоа, со амин на оваа неспособна, одродничка и предавничка власт која мизерно и со свиткана кичма, молчешкум ја гледа агресијата за крај на постоењето на Македонците.

И затоа, организацијата НОВАСНОМ смета дека, дојде време кога гласно мора да кажеме дека борбата за ослободување на Македонија ПРОДОЛЖУВА. Оваа борба е новата револуција на сите нас-македонските патриоти, оваа борба е нашиот генерациски предизвик и крик на Македонците против преспанскиот договор, против т.н. „заедничка историја“ со Бугарија, против македонскиот јазик да бидне дијалект на бугарскиот. Оваа борба е за нашето вековно и уставно име Република Македонија и дека е ДОСТА од „бугарска демократија“, ДОСТА од бугарски клубови во Македонија, ДОСТА од дволичните игри на меѓународната заедница и од апетитите на нивните миленичиња Грција и Бугарија-најсиромашната земја во ЕУ. Оваа борба, значи ДОСТА за поделбите и КРАЈ за оваа марионетска и профашистичка власт. Оваа борба е нашиот Македонски восклик за живот и слобода, за бесмртност на македонизмот со кој и денес над Македонија се раѓа, ново сонце на слободата. 

Македонци, нека ни е честит 11 октомври, денот на непокорот и Ден на народното востание на македонскиот народ.

ДА ЖИВЕЕ РЕПУБЛИКА МАКЕДОНИЈА.

Се уште неофицијално отворен, Македонскиот културен клуб Никола Вапцаров во Благоевград. вчера беше предмет на вандализам од страна на непознат сторител/и на кого му смета се што е Македонско во Република Бугарија. Како што ни јавија нашите пријатели од Здружението за заштита на основните индивидуални човекови права, во текот на вчерашниот ден беше извадена буквата М од насловот на Македонскиот културен клуб Никола Вапцаров.  

Овој чин на вандализам е напад на меѓуетничката толеранција во Европска Бугарија чија влада не ги осудувува ваквите акти на меѓуетничка нетрпеливост и со самото тоа се става на страната на чинителите на ваковиот вандалски чин.  

Од друга страна, нашата валада, мирно и кротко си молчи на агресивната етничка нетрпеливост манифестирана против Македонците во Бугарија, ефективно спроведувајќи го Бугарскиот Догвор, точката 11 алинеја 5 од истиот. Со тоа, владата на земјата чие име Северна го мразиме, се става на страната на тие што ја подгреваат етничката нетрпеливост во Бугарија.  

НовАсном смета дека негувањето на врските со нашите роднини и пријатели од Пиринска Македонија како и нивно помагање е единственото решение во услови кога нашиот идентитет е нападнат по сите основи од Република Бугарија.  

Денес, кога одбележуваме 31 година од спроведениот референдум во 1991, на кој,над 95 посто од македонскиот народ и македонските граѓани се изјаснија за самостојна и суверена држава- Република Македонија, организацијата НОВАСНОМ, гласно прашува: Дали независноста за која се определија граѓаните, требаше да има ваков лик и за која Македонија гласавме???  

Денеска, како резултат на погубните и самоуништувачки политики на оваа одродничка и ненародна власт на СДСМ, ние ја немаме Република Македонија, ја имаме Северна Македонија која сегашниве политички елити ја слават како да е Република Македонија. 

За потсетување, никој од нас ( 95 проценти од граѓаните) што излегоа на гласање на рефереднумот од 8 Септември 1991, не гласаше за гнасното име Северна. Овој став го потврдивме со неизлегувањето на референдумот на 31 Септемви 2018 година каде што јасно и гласно кажавме дека не сакаме да бидеме дел од НАТО и ЕУ како Северна Македонија. 

НОВАСНОМ смета дека денешното славење на независноста на Републиката е лицемерен, лажен и циничен потег на владејачкото мнозинство кое бескруполозно го гази основното човеково право на мнозинската воља на народот да го определи името на својата земја како што сака. Политиката на газење на достоинството и гордоста наша, е тренд кој и понатаму ќе продолжи, тоа е сега дел од Европскиот пат зацртан преку исполнување на понижувачкиот Преспански и деградирачки Бугарски договор. 

НОВАСНОМ смета дека оваа петтоколонашка власт, ќе дозволи македонскиот народ, чекорејќи на патот кон Европската Унија,  и понатаму да биде биде деградиран, понижен и ќе дозволи штетни договори со кои се менува македонскиот идентитет и засебност.

Организацијата НОВАСНОМ, смета дека тоа е апсолутно неприфатливо за нас Македонците и повикува на конечно единство на Македонскиот народ, како основен предуслов за зачувување на македонските национални интереси, македонскиот идентитет и македонскиот јазик како столб на Македонската засебност и држава.

Наша задача, цел и обврска е да го вратиме нашето достоинство, гордост и чест и да го вратиме нашето уставно име- Република Македонија, да изградиме правно и вистински демократско општество, каде секој граѓанин ќе има еднакви услови за просперитетен живот во здрава животна средина.

Македонски народе, нека е честит и вековит 8 септември, денот на независноста на Република Македонија.

Организацијата НОВАСНОМ, смета дека иницијатива за референдум со прашањето: „Дали сте за напуштање на важноста на Законот за ратификација за Договорот за пријателство, добрососедство и соработка меѓу Република Македонија и Република Бугарија, може да биде уште еден обид за делегитимирање на оваа ненародна власт предводена од СДСМ но истовремено, можно е да биде и ефтин политички самоубиствен чин на ВМРО-ДПМНЕ со кој, може, дополнително да се легитимитира Бугарскиот договор преку референдум и да се даде поддршка на предавничката владејачка политика на оваа однародена власт која, во минатото јасно покажа дека  нема слух за вољата на народот.  

Организацијата НОВАСНОМ потсетува дека на патот кон штетните договори со кои се менува македонскиот идентитет и засебност, оваа ненародна власт, покажа и докажа дека безмилосно не ја почитува вољата на Македонскиот народ а доказ за ова е непочитувањето на вољата на народот изразена на 30 Септември 2018 кога рековме НЕ за Северна во ЕУ и НАТО. После ова свежо и горко референдумско искуство, оправдано се прашуваме, колку ќе биде успешен референдумот знаејќи дека многу малку жители има во Републиката и тешко е да се достигне прагот за успешност за референдумот доколку владејачката гарнитура го бојкотира истиот. Оттука, организацијата НОВАСНОМ, е свесна за потребата од конечно единство на Македонскиот народ, како основен предуслов за успешен референдум и зачувување на македонските национални интереси, македонскиот идентитет и македонскиот јазик како столб на Македонската засебност и држава.

Но, ако не успее референдумот, опозицијата ќе го даде легитимитетот на ништовен договор кој не би требало да биде предмет на разгледување него под итно треба да се поништи. Во тој контекст, недозволиво е ВМРО ДПМНЕ да му биде само еден спотер на СДСМ и заедно во парламентот, да си го легализираат срамниот Бугарски договор создаден од Заев со кој, срамно се обезличува и понижува Македонскиот народ, јазикот, историјата и културата. 

Бугарскиот договор е ништовен сам по себе, спротивен е на ЈУС КОГНЕС правото и е спротивен од нашето основно човеково право на самоопределување, право втемелено во Обединетите нации. Во него има чисто ани-европски вредности и е во спротивно со многу одредници од Копенхашките критериуми, еден од столбовите на ЕУ. Истиот може да се поништи со една дипломатска нота од МНР до Бугарското МНР. 

Организацијата НОВАСНОМ, смета дека договор со Бугарија може да има, но само и само, на рамноправни партнерски односи со взаемно почитување на идентитеските, јазичните, културни и други разлики кои ги имаме со Бугарите. 

Организацијата НОВАСНОМ, смета дека во овој момент, најдобро решение е да се излезе на нови парламентарни избори а опозицијата да си го каже својот став со Бугарскиот договор, дали истиот треба да се поништи, ревидира или нешто трето?

Организацијата НовАсном, денеска на годишнината на двата Илиндена,  119 години од Илинденското востание и 78 години од Првото заседание на АСНОМ, на нашите борци им оддава бескрајна почит за нивното херојство и животите дадени во светата борба за слободна, независна и самостојна Македонија. Денеска на овој светол ден-голем Македонски национален и православен празник, громогласно потсетуваме дека ниту еден загинат борец за Македонија, не го даде својот живот за Северна Македонија.  

Северна Македонија е грдо и наметнато име кое го бојкотиравме на референдумот на 30 Септември 2018 година и наша обврска, цел и задача е враќање на уствното име Република Македонија.

Тоа е желбата на Македонскиот народ и на сите народи кои имаат почит кон нас, знаеќи дека сакаме мирољубив соживот, базиран на почитување на основните човекови права на сите граѓани на Македонија но и за сите наши соседи. И затоа, не постои партија, партиски или светски  лидери што, ќе не одвратат да си го вратиме достоинството и дигнитетот, да си го врати името Република Македонија.

Коските на загинатите борци за Македонија, нивната храброст, издржливост и интелигенција, се нашиот светол факел кој успешно ќе ни ја осветли саканата цел. Овој предизвик е генерациски предизвик пред кои спремно исправени стоиме и цврсто сме уверени дека во нашата генерациска борба ние повторно ќе бидеме победници.

Тоа е нашата праведна  борба против одродниците и сите оние кои неправедно ни го одзедоа најсветото и вековното. Тоа е нашата праведна  борба за слободна и независна македонска држава, правна и праведна за нас и нашите идини генерации.

Почитувани Македонки и Македонци во Република Македонија и насекаде во светот, организацијата НовАсном Ви ја честита 119 години од Илинденското востание и 78 години од Првото заседание на АСНОМ,  честит Илинден, нашата победоносна битка е во тек.