ПРЕДИЗВИЦИ

Во овие историски моменти, македонската нација се соочува со три суштински предизвици:

Идентитет

Нашиот идентитет е континуирано оспоруван, а македонското прашање сѐ уште претставува фигура во комбинаториките на Балканот.

Економија

Економскиот стандард на македонските граѓани е еден од најниските во Европа.

Безбедност

Нерешениот статус на Косово, константниот екстремизам и иредентизам на соседните држави, коруптивните и сервилни македонски политички елити и слабите државни институции претставуваат ризик за суверенитетот на Република Македонија.

СТРАТЕШКИ ЦЕЛИ

Предизвиците со кои се соочуваме ги адресираат нашите цели:

Враќање на уставното име Република Македонија и промена на статусот во ОН.

Градење правно општество во кое секоја индивидуа ќе има еднакви можности за нормален економски живот во здрава животна средина.

Јакнење на територијалниот интегритет и суверенитетот на Република Македонија.

Свесни сме дека ние Македонците имаме аманет да ја етаблираме Република Македонија, првенствено, низ призмата на семакедонското обединување. За таа цел, ние нудиме сеопфатна натпартиска Платформа преку чие имплементирање не само што ќе ја етаблираме Република Македонија, туку и ќе ја направиме македонската држава функционална и просперитетна. Финалната верзија на платформата ќе биде изработена од страна на чесни и кадарни експерти од круцијалните области за развојот на Република Македонија.

ПЛАТФОРМА

Враќање на уставното име Република Македонија.

Ослободување на судството од надворешните влијанија и корупцијата како предуслов за целосно независно судство.

Јакнење на Обвинителството за да се справи со корупцијата и обемниот политички криминал.

Меродавна и департизирана администрација.

Функционален уставен суд кој ќе биде отпорен на внатрешнополитички и надворешни влијанија.

НОВОСТИ

29/05/2023

Западот е нестабилен наш сојузник

НовАсном смета дека пораката на американскиот сенатор Крис Марфи дадена при неговата посета на Република Македонија но и на амбасадорката на САД во Македонија, Анџела Агелер, се скандалозни и без преседан и дека всушност, ниту тие, ниту претседателот Бајден и неговата администрацијата, немаат разбирање за чувствата на Македонските граѓани а уште помалку за Македонските национални…

14/05/2023

Помошта на САД во судството, доказ дека не ни е потребна помош

НовАсном смета дека, лакрдијата со случувањата во Судскиот Совет како и писмото на амбасадорката на САД, Г-ѓа Аглер, упатено до нашите судски инстанци, е само една потврда дека САД, освен имањето пари, што ги фрлаат во македонскито судскиот систем, немаат визија и решенија како да ги решат проблемите во судството. Од друга страна, се потврдува…

09/05/2023

Денот на победата - потсетник да се забрани глорификацијата на нацизмот

Денес на денот на антифашистичката борба 9 Мај 2022, НовАсном со загриженост ги следи општествените текови во кои возвишувањето на нацистичките соработници е норма а запоставување на борците на анти фашизмот е тренд. Денеска, балистот и нацистички соработник Џемо Хаса си има име на улица во Гостивар и биста во с. Симница. Целата оваа глорификација на…

04/05/2023

Во МАНУ во чест на Гоце

Делегација од НовАсном присуствуваше на комеморацијата во чест на загинувањето на Гоце Делчев. Нека му е вечна слава.

23/04/2023

Чествување На Јане, Мелник, Р. Бугарија

Делегација на НовАсном денсека беше на поклон на споменикот на Јане Сандански во Мелник, Р. Бугарија каде што бевме дел од чествувањето на Јане Сандански со останатите македонски здруженија и органицазии од целиот свет. Членовите на НовАсном положија цвеќе пред споменикот и дадоа завет дека ќе го следиме патот на Јане се додека не ја…

09/04/2023

Бугарија да плати 344 милиони долари воени репарации на Република Македонија

Организацијата НовАсном, смета дека нашиот источен сосед-Република Бугарија треба, на Република Македонија да и исплати воени репарации во износ од 334,266,670.00 милиони американски долари, за штетата нанесена за време на Втората светска војна кога, бугарската окупациска војска ја окупираше Македонија. Оттука, сметаме дека Република Македонија, треба да пристапи кон разгледување и формализирање на вакво барање…