Автор: mkasnomadmn

Враќање на името е наша обврска, Честит 8 Септември

Денес, кога одбележуваме 31 година од спроведениот референдум во 1991, на кој,над 95 посто од македонскиот народ и македонските граѓани се изјаснија за самостојна и суверена држава- Република Македонија, организацијата НОВАСНОМ, гласно прашува: Дали независноста за која се определија граѓаните, требаше да има ваков лик и за која Македонија гласавме???  

Денеска, како резултат на погубните и самоуништувачки политики на оваа одродничка и ненародна власт на СДСМ, ние ја немаме Република Македонија, ја имаме Северна Македонија која сегашниве политички елити ја слават како да е Република Македонија. 

За потсетување, никој од нас ( 95 проценти од граѓаните) што излегоа на гласање на рефереднумот од 8 Септември 1991, не гласаше за гнасното име Северна. Овој став го потврдивме со неизлегувањето на референдумот на 31 Септемви 2018 година каде што јасно и гласно кажавме дека не сакаме да бидеме дел од НАТО и ЕУ како Северна Македонија. 

НОВАСНОМ смета дека денешното славење на независноста на Републиката е лицемерен, лажен и циничен потег на владејачкото мнозинство кое бескруполозно го гази основното човеково право на мнозинската воља на народот да го определи името на својата земја како што сака. Политиката на газење на достоинството и гордоста наша, е тренд кој и понатаму ќе продолжи, тоа е сега дел од Европскиот пат зацртан преку исполнување на понижувачкиот Преспански и деградирачки Бугарски договор. 

НОВАСНОМ смета дека оваа петтоколонашка власт, ќе дозволи македонскиот народ, чекорејќи на патот кон Европската Унија,  и понатаму да биде биде деградиран, понижен и ќе дозволи штетни договори со кои се менува македонскиот идентитет и засебност.

Организацијата НОВАСНОМ, смета дека тоа е апсолутно неприфатливо за нас Македонците и повикува на конечно единство на Македонскиот народ, како основен предуслов за зачувување на македонските национални интереси, македонскиот идентитет и македонскиот јазик како столб на Македонската засебност и држава.

Наша задача, цел и обврска е да го вратиме нашето достоинство, гордост и чест и да го вратиме нашето уставно име- Република Македонија, да изградиме правно и вистински демократско општество, каде секој граѓанин ќе има еднакви услови за просперитетен живот во здрава животна средина.

Македонски народе, нека е честит и вековит 8 септември, денот на независноста на Република Македонија.

Чуму сега референдум

Организацијата НОВАСНОМ, смета дека иницијатива за референдум со прашањето: „Дали сте за напуштање на важноста на Законот за ратификација за Договорот за пријателство, добрососедство и соработка меѓу Република Македонија и Република Бугарија, може да биде уште еден обид за делегитимирање на оваа ненародна власт предводена од СДСМ но истовремено, можно е да биде и ефтин политички самоубиствен чин на ВМРО-ДПМНЕ со кој, може, дополнително да се легитимитира Бугарскиот договор преку референдум и да се даде поддршка на предавничката владејачка политика на оваа однародена власт која, во минатото јасно покажа дека  нема слух за вољата на народот.  

Организацијата НОВАСНОМ потсетува дека на патот кон штетните договори со кои се менува македонскиот идентитет и засебност, оваа ненародна власт, покажа и докажа дека безмилосно не ја почитува вољата на Македонскиот народ а доказ за ова е непочитувањето на вољата на народот изразена на 30 Септември 2018 кога рековме НЕ за Северна во ЕУ и НАТО. После ова свежо и горко референдумско искуство, оправдано се прашуваме, колку ќе биде успешен референдумот знаејќи дека многу малку жители има во Републиката и тешко е да се достигне прагот за успешност за референдумот доколку владејачката гарнитура го бојкотира истиот. Оттука, организацијата НОВАСНОМ, е свесна за потребата од конечно единство на Македонскиот народ, како основен предуслов за успешен референдум и зачувување на македонските национални интереси, македонскиот идентитет и македонскиот јазик како столб на Македонската засебност и држава.

Но, ако не успее референдумот, опозицијата ќе го даде легитимитетот на ништовен договор кој не би требало да биде предмет на разгледување него под итно треба да се поништи. Во тој контекст, недозволиво е ВМРО ДПМНЕ да му биде само еден спотер на СДСМ и заедно во парламентот, да си го легализираат срамниот Бугарски договор создаден од Заев со кој, срамно се обезличува и понижува Македонскиот народ, јазикот, историјата и културата. 

Бугарскиот договор е ништовен сам по себе, спротивен е на ЈУС КОГНЕС правото и е спротивен од нашето основно човеково право на самоопределување, право втемелено во Обединетите нации. Во него има чисто ани-европски вредности и е во спротивно со многу одредници од Копенхашките критериуми, еден од столбовите на ЕУ. Истиот може да се поништи со една дипломатска нота од МНР до Бугарското МНР. 

Организацијата НОВАСНОМ, смета дека договор со Бугарија може да има, но само и само, на рамноправни партнерски односи со взаемно почитување на идентитеските, јазичните, културни и други разлики кои ги имаме со Бугарите. 

Организацијата НОВАСНОМ, смета дека во овој момент, најдобро решение е да се излезе на нови парламентарни избори а опозицијата да си го каже својот став со Бугарскиот договор, дали истиот треба да се поништи, ревидира или нешто трето?

Честит Илинден – Сите паднаа за Македонија, не за Северна

Организацијата НовАсном, денеска на годишнината на двата Илиндена,  119 години од Илинденското востание и 78 години од Првото заседание на АСНОМ, на нашите борци им оддава бескрајна почит за нивното херојство и животите дадени во светата борба за слободна, независна и самостојна Македонија. Денеска на овој светол ден-голем Македонски национален и православен празник, громогласно потсетуваме дека ниту еден загинат борец за Македонија, не го даде својот живот за Северна Македонија.  

Северна Македонија е грдо и наметнато име кое го бојкотиравме на референдумот на 30 Септември 2018 година и наша обврска, цел и задача е враќање на уствното име Република Македонија.

Тоа е желбата на Македонскиот народ и на сите народи кои имаат почит кон нас, знаеќи дека сакаме мирољубив соживот, базиран на почитување на основните човекови права на сите граѓани на Македонија но и за сите наши соседи. И затоа, не постои партија, партиски или светски  лидери што, ќе не одвратат да си го вратиме достоинството и дигнитетот, да си го врати името Република Македонија.

Коските на загинатите борци за Македонија, нивната храброст, издржливост и интелигенција, се нашиот светол факел кој успешно ќе ни ја осветли саканата цел. Овој предизвик е генерациски предизвик пред кои спремно исправени стоиме и цврсто сме уверени дека во нашата генерациска борба ние повторно ќе бидеме победници.

Тоа е нашата праведна  борба против одродниците и сите оние кои неправедно ни го одзедоа најсветото и вековното. Тоа е нашата праведна  борба за слободна и независна македонска држава, правна и праведна за нас и нашите идини генерации.

Почитувани Македонки и Македонци во Република Македонија и насекаде во светот, организацијата НовАсном Ви ја честита 119 години од Илинденското востание и 78 години од Првото заседание на АСНОМ,  честит Илинден, нашата победоносна битка е во тек.

Францускиот Предлог: Предавство

Организацијата НовАсном после анализата на т.н. Француски Предлог, изразува огромна загриженост дека истиот е екстремно опасен по се што е македонско, дека длабоко навлегува и ги руши идентитетските одредби на македонската нација.

Во третиот член од документот за Европската Генерална Позиција [H1] за почеток на преговорите, двете страни Бугарската и Македонската ќе имаат можност да дадат свои интерпретации за Македонскиот јазик. Според  познатата Бугарска позиција, до пред 1945 година Македонскиот јазик бил Бугарски дијалект, истата оваа позиција ќе биде нотирана во официјален документ кој е дел од Европската Генерална Позиција.

Ова ќе биде прв официјален документ, каде што ние како држава имплицитно ја прифаќаме бугарската позиција, дека нашиот јазик до 1945 бил бугарски дијалект со тоа што прифаќаме во официјален ЕУ документ да стои бугарското гледиште за нашиот јазик. 

Овој нов момент, Бугарија ќе го искористи внатре во ЕУ, во сите документи каде ќе биде Македонскиот јазик преведен, да нотира дека тој бил бугарски дијалект до 1945. Со тоа не само што јазикот не е заштитен него преку овој член директно се напаѓа коренот на нашиот јазик и идентитет.  Апсолутно неприфатливо за нас.

Член 22 од истиот документ, според кој МНР се повикува дека е заштитен македонскиот јазик, има технички карактер и се бави со техниките и логистиката на преводот на документите во ЕУ на Македонски јазик. Но не се  бави со фундаментот на проблемот а тоа е дека Македонски јазик е бугарски дијаленкт до 1945 година и ќе бидат нотирани во дел од членот 3 од документот за Европската Генерална Позиција.              

Во член два од делот на документот, Заклукчоците на Европскиот Совет, имплементацијата на  Преспанскиот и Бугарскиот договор се внесени како дел од нашиот пат кон ЕУ. Значи не само Бугарија туку и Грција во секое време ќе можат да не уценуваат, услоуваат и рекетираат преку отфрлениот на референдум, преспански договор. Цело тежиште на имплементација на двата договора, Преспански и Бугарски, е на наша страна и нема ништо што би ги приморало Грција и Бугарија да ги имплементираат истите договори од нивна страна. Ова значи дека кршењето на правата на Македонците во Грција и Бугарија ќе продолжи да биде норма, додека Европската Унија преку разни нејзини органи, ќе нотира проблеми кај нас а не кај Грција и Бугарија. Апослутно неприфатливо

Вметнување на Бугарите во нашиот устав пред да почнат преговорите нотирано во Член 11 од документот на заедничка ЕУ позиција. Ова е додатна уценувачка алатка да преку член 5 од Европската Генерална Позиција, Бугарија ќе бара ние да ги исполнуваме правата на бугарите во Македонија преку исполнување на Копенхашките критериуми за почитување на правата на малцинствата. Целото тежиште за исполнување на правата на малцинставата се ставени кај нас а не кај Бугарија. И пак, во конктинуитет ние ќе имаме проблеми со нашите малцинства, демек, не сме давале доволно права на Бугарите во Македонија додека Бугарија во континуитет ќе ги крши основните човекови права на Македонците како што е нотирано во 14 пресуди на Евроспкиот Суд за Човекови Права. Апсолутно неприфатливо

И за крај, сржта на предавстото лежи во Членот 14 од документот заедничка ЕУ позиција и Член 3 од заклучоците на Европскиот Совет. И двата члена реферираат на протоколот кој е постигнат меѓу Бугарија и Македонија на 4 Јуни, Дочје Веле го објави а нашава влада го крие. Преку мултидисциплинарната експертска комисија Бугарија ќе не прави бугари по сите основи. Тоа е нашиот пат до ЕУ, прифатен од ЕУ, аминуван од САД, одобрен од Претседателот Пендаровски и Премиерот Таче и апсолутно неприфатлив за нас Македонците.

Во тој контекст се прашуваме дали Престедателот Пендаровски и Премиерот Таче се нашата перфектна Пета колона или не?


 [H1]

Погрешни владини анти-инфлаторни мерки

Економскиот тим на НовАсном детално ги анализира анти-инфлаторните мерки на владата донесени на 52 седница со кои се лимитира маржата на трговците на мало и големо како и новиот начин на пресметка на оперативните трошоци на трговците на мало.  

Проблемот на инфалијата во Македонија е тоа што истата е увезена како резултат на глобалните економски и геополитички токови. Инфлацијата ни е увезена заради огромното штампање на пари од страна на нашите стратешки партнери, Федералните Резерви, Европската Централна Банка, Канадската централна Банка и други, логистичките предизвици со производство и транспорт на роба, воведувањето на економски санкции кон Русија како и неможноста на Украина да ги пласира своите житни производи, ѓубрива и други производи на светскиот пазар. 

Честитики до нашата влада што се обидува да го реши овој глобален инфлациски проблем со локални решенија, но истите нема да имаат влијание врз намалувањето на инфлацијата туку во најдобра рака ќе го продлабочи јазот помеѓу трговците кои плаќаат и не плаќат данок.  Овие мерки се гасење на шумски пожар со детско лаживче. Владините анти инфлаторни мерки се само потврда дека се исплати да имаш малопродажен бизнис кој работи на диво зошто мерките не го лимитираат нивното работење и не го намалуваат нивниот профит за разлика од големо и малопродажните бизниси кои издаваат фискални смети, работат регуларно во склопот на законот и кои ги засега овие мерки.  

Причинителите на сегашната инфлацијата не се во доменот на можните владини мерки зошто истата инфлација е увезена однадвор, т.е. зголемувањето на цените на продуктите е одредено надвор од границите на нашата земја и во овој котнекст владините мерки нема да бидат ефикасни.  

НовАсном сугерира владата да се фокусира на мерки кои ќе овозможат поширока и еднаква конкуренција кај трговците на мало и големо, која конкуренција ќе доведе до намалување на малопродажните цени.  

Ова подразбира фискализација на сите диви и нелегални малопродажни објекти и бизниси како и зголемена контрола на постоечките малопродажни и големопродажни бизниси кои можеби работат полулегално и издаваат фискални сметки само во одредено време. Развивањето на економија каде што секој бизнис ќе работи под еднакви услови и еднакво ќе биде третиран е круцијално за здрава конкуренција која секогаш ќе пордуцира најниски цени како резултат на здравата конкруенција на пазарот.   

Францускиот предлог се базира на предавничките политики на македонските политики елити

Организацијата НовАсном смета дека францускиот предлог за т.н. деблокада на почетокот на преговорите за членство на Македонија во ЕУ, е штетен документ, кој значи финална капитулација за Македонија. Францускиот предлог се базира на предавничката политика која, во Македонија ја водеа скоро сите влади, од нејзиното осамостојување до денеска, Курто и Мурто политичари кои се во фунција на продавање на идентитетот на македонскиот народ со цел да ја задржат и да останат на власт.  

Во последните 30 години, Курто и Мурто политичарите, постепено го продаваа идентитетот на македонскиот народ, го продадоа Македонското национално знаме, името на државата и името на Македонската православна црква. Македонија, за жал е еднинствената земја на пленатава која има направено вакви отстапки за некоја друга држава а на штета на Македонската нација.

При тоа не навлегуваме за отстапките кои се направени со Охридскиот договор, Пржинскиот договор, формирање на СЈО или пак несудењето на воените злосторници од нивните злодела итн.

Бугарија, која е окуражена од отстапките кои ги направија нашиве Курто и Мурто „политичари“ кон Грција, менување на знамето и Преспанскиот договор, и имајќи неприкосновено вето во Советот на Министри во ЕУ, ја гледа оваа ситуација како извонредна можност да си го оствари својот вековен сон и да ги принуди Македонците да постанат тоа што не се, да имаат бугарски корени, бугарска традиција и култура.


Организацијата НовАсном смета дека францускиот предлог за одблокирање на македонските евроинтеграции е страшно лош темел за решавање на наметнатиот и вештачки спор со Бугарија. Истиот води кон ново национално предавство и е резултат на погубната политика на Курто и Мурто каде што предавничките договори ги претставува како победнички додека губитничката политика продолжува.  

Организацијата НовАсном смета дека дојде време јасно да се спротивставиме на кроењето на нашата судбина од други сили, да им кажеме НЕ на бескрајните и срамни бугарски барања, на мизерната и срамна деградација што доаѓа од нашиот источен сосед.  

Од историски аспект, Македонската нација, денеска е исправена пред историски предизвик а тоа е формирање на нова политичка елита која, безрезервно, искрено и вистински ќе ги промовира и цврсто брани интересите на Македонската нација.  НовАсном е спремен за еден таков предизвик.

Црквата си доби Преспански Договор

НовАсном категорично се спротиставува на синодалниот акт за канонско и евхаристиско единство на ерархијата Охридска црква ( линк од актот) од страна на вселенската Патријашија. Со овој акт, во членот 3, Македонсктата Православна Црква – Охридска Археипескопија самата се откажа од името  Македонија и сите зборови кои произлегуваат од името Македонија. Со овој договор, црквата си доби свој, ‘Преспански Договор’, и се откажува од Македонштината.

Во иднина, ако овој акт се усвои од страна на МПЦ-ОА, секоја официјална комуникација која црквата ќе ја има со било која друга црква, или на официјален документ, ќе се одвива со името Охридска Архиепископија. Никаде нема да фигурира Македонска или било кој збор македонски. Во официјална комуникација и документација со секоја црква во иднина зборот Македонска ќе биде избришан, нема да постои и ќе биден заменет со Охридска.

Во овој контекст го прашуваме неговото блаженство Архиепископот Охридски И Македонски г.г. Стефан, кој ќе биде неговиот титулар во комуникација со Патријашијата? Дали ќе се вика Охридски и Македонски или само Охридски?

Во време на национални  држави и национални цркви, македонската нација ја изгуби државата Република Македонија а сега е на чекор да ја изгуби својата црква Македонска Православна Црква. Сите нации во наше опкружување имаат свои цркви и држави освен нашата.  Кога Македонскиот идентит се спори од Европска Грција и Бугарија, неприфатливо е за Македонската нација да нема таков идентитетски бедем како што е Македонската Парвославна Црква. Ова е нов пораз за македонската нација, пораз кој македонските политички елити го прикажуваат како победа, само затоа што нашата црква ќе може да комуницира и биде признаена како Охридска без да се постигне афтокефалноста. Губитничката политика продолжува.

Свежи се сеќавањата од потпишувањето од Преспанскиот договор кога на ист начин политичките елити се фалеа дека е одличен договор, а еве 4 години потоа, последиците се очигледни, за поголемиот дел од светот ние сме северномакедонци имаме северномакедонски премиер и претседател.

Го замолуваме Синодот на МПЦ-ОА да ја преиспита својата штетна одлука со кој се брише Македонија и зборовите што произлегуваат од зборот Македонија од се што е црковно. Исто така апелираме до делегатите на Архиепископскиот црковен народен собор да го отфрлат актот на Вселенската Патријашија на следниот нивен собир и со тоа да се зачува Македонската Православна Црква – Охридска Арехипескопија, Јустијана Прима

Против возвишување на Нацистичките соработници

Денес на денот на антифашистичката борба 9 Мај 2022, НовАсном со загриженост ги следи општествените текови во кои возвишувањето на нацистичките соработници е норма а запоставување на борците на анти фашизмот е тренд.

Денеска, балистот и нацистички соработник Џемо Хаса си има име на улица во Гостивар и биста во с. Симница, додека сојузнинкот на Хитлер и Мусолини, Ванчо Михајлов си има свој клуб во Битола. Целата оваа глорификација на нацистичките соработници е покрената од домашната проевропска политичка т.н. елита и од Европска Бугарија, кои лобираа и одобрија овие докажани соработници на нацизмот, да имаат свој белег во општествениот живот во Македонија.

Никој од нашите борци и идеолози, кои се бореа и загинаа за АСНОМ-ска Македонија, не се бореа за да овие нацистички соработници имаат свои обележја во нашата татковина, во Македонија. Под закрилата на светла Европска перспектива и немање алтернативна визија за иднината на Македонија, актуелните домашни политичари со сета своја сила се обидуваат административно да го избришат македонскиот народ, со тоа што преговараат за алтернативен идентитет во преговорите со Бугарија, а сето ова под покровителство  на Европската Унија.

Предлагаме со закон да се забрани глорификацијата на нацистичките соработници и употребата на нивните симболи.

Од друга страна, по многу нешта овие времиња наликуваат како оние од пред 1944 година, времиња кога македонскиот народ  немаше своја држава, кога  сонот за самостојна Република Македонија беше сеприсутен и желбата да се живее слободно очигледна. Победата над фашизмот е наш светол симбол и потврда дека ова актуелно  политичко лудило , неприфатено  од македонскиот народ,  што се потврди и со референдумот на 30 Септември 2018 година, може повторно да се победи со сплотеност, одлучност, знаење и посветеност.

Наша цел е повторно да бидеме победници и затоа ни е потребен НовАсном, за да изградиме нова иднина, нова држава, да изградиме правно општество  каде што секој човек ќе има еднакви можности за просперитетен живот во здрава животна средина.

Ден на Македонскиот Јазик

После забраната за влез на претседателот на НовАсном во Хеленската Република, активисти на организацијата денеска се во Постол- Европска Грција, местото каде што е роден Крсте Петков Мисирков- еден од основоположниците на современиот македонски јазик, автор на првата книга и првото списание на современ македонски јазик. Одовде, му оддаваме почит и благодарност за неговата животна борба за зачувување на македонскиот јазик и за подобра положба на македонскиот народ. Одовде, од неговото родно место, нагласуваме дека Мисирков, во своите писанија користел азбука што е база за денешната македонска кирилична азбука. Авторот на книгата „За македонцките работи“, сметал и напишал дека „ Македонецот не треба да се слева и да се обезличува живеејќи меѓу Бугари и Срби“.

Денеска, во 21 век, македонската нација, за жал се наоѓа во слична ако не и иста ситуација во која живеел Крсте Петков Мисирков, кога на македонците им се бранел македонскиот мајчин јазик. Денеска овде во Европска Грција, и покрај потпишувањето на предавничкиот Преспански договор, соочени сме со силни напади за оспорување на автентичноста на македонскиот јазик а на македонците им се оспорува правото да го изучуваат својот мајчин јазик. Жалосно е што, денеска, кршењето на основните човекови права на македонците во дел од ЕУ е норма.

Ние од НовАсном, даваме завет дека ќе го следиме и ќе го продолжиме делото и борбата на Крсте Петков Мисирков, ќе се бориме и избориме за зачувување на нашиот мајчин македонски јазик и за нашето основно човеково право на самоопределување, право втемелено во повелбата на Обединетите Нации.

НовАсном на мета на Грција, забрани влез за претседателот на организацијата

Денеска на граничниот премин на Република Македонија со Европската Унија, Богородица кај Гевгелија, на македонскиот државјанин Сашо Маневски, активист за човекови права и претседател на македонската органиација НовАсном, му беше забранет влез на територијата на нашиот јужен сосед. 

Според Маневски, граничната полиција не му дала никакво образложение за причините освен да се обрати до Хеленската амбасада во Скопје.  

Маневски вели, ‘ Ова е срам за Европската Унија, срам за Елеснката репиблика без никаква причина да забраниш влез на еден обичен граѓанин кој сака добро соседски односи со Македонија. Го повикувам МНР и Господинот Министер Османи директно да интервенира во името на правдата и законот

САД не го Почитуваат Преспанскиот Договор

НовАсном внимателно го разгледа извештајот на Стејт Департментот и Министерството за Финансии на САД во врска со блокирање на имотот на Сашо Мијалков и Никола Груевски во САД, нивното назначување како лица кои биле инволвирани во корупција, мито и кршењето на законите поради што, се ставени на листата на санкции на американското Министерство за финансии.

Не навлегуваме детално во процесот на донесување на ваква одлуки и врз кој правен процес, администраторите во САД ја базираат нивната одлука, ниту пак имаме намера да ги браниме лицата Никола Груевски и Сашо Мијалков. Но она што загрижува е фактот дека Министерството за Финансии на САД во графата на националност, ја користи Северна Македонија за лицата Сашо Мијалков и Никола Груевски.

Ваквиот став на Министерството на Финансии на САД е спротивен од одредбата 3.б од Преспанскиот Договор каде што се вели дека „Националноста на Втората страна ќе биде Македонец/Граѓанин на Република Северна Македонија“.

Жалиме што САД не ги почитуваат договорите кои и самите ги поттикнувале и подржувале со што,  самите се ставаат во незавидно хипокритична ситауација која, очекувано, кај граѓаните влева недоврба во политиката која ја спроведуваат на овие простори. Како и да е, го подржуваме фактот што САД не ги почитуваат одредбите од Преспанскиот Договор зошто сметаме дека иститот не само што ќе го поништиме и укинеме, туку прашање е само на време, кога тоа ќе го направиме.

НовАсном се залага за вистински ефикасно и независно судство како најдобар начин да се врати довербата кај граѓаните кон институциите но и за перманентна борба против системската корупција што го „окова“ македонското општество. НовАсном се залага за правичен судски систем, за владеењето на правото и правната сигурност на граѓаните како темелна вредност што треба да го краси нашето општество и секој поединец во државата, без исклучок. 

Правото на самоопределување е основно човеково право втемелено во повелбата на ОН и од тоа право ние не се откажуваме се додека не си ги оствариме нашите национални цели.

Да Живее Република Македонија.

Чествување на Јане, Мелник Р. Бугарија

Денеска, забранети организации од Република Бугарија заедно со НовАсном го чествуваа денот на убивството на големиот Македонски Револуционер Јане Сандански овде во Мелник, Република Бугарија. Заедно имаме разбирање дека Македонската нација стои исправена со слични ако не и исти предизвици кои ги имаше Јане.

Јане се бореше за Македонија на Македонците — ние ја немаме Република Македонија, Јане сонуваше за Македонцитеда бидат признаени за она што се. Денеска во дел од Европската Унија основните човекови права на Македонците да го изучуваат својот јазик, да се собираат во културни, религиозни и политички движења им се скратува а серијата на пресуди за кршењето на нивните права пред судот за Човекови права во Стразбург се игнорира, а ЕК не го спроведува занонот на ЕУ и не ги казнува членките на ЕУ кои го кршат основното човеково право на Македонците во ЕУ.

Уште полошо, денеска политичката воља на Македонскиот народ изразена на референдумот од 8 Септември 1991 и 30 септември 2018 не се почитува и неговото основно право на самоопределување не се почитува. Затоа ја немаме Република Македонија

Ние од НовАсном се обрзуваме да го следиме патот  на Јане Сандански и да се избориме за нашите основни човекови права и правото на самоопределување, право втемелено во повелбата на Обединетите Нации. Од патот што го трасира Јане не се откажуваме и ги повикуваме сите патриоти да ни се придружат во нашата борба за да повторно бидеме победници.