НовАсном категорично се спротиставува на синодалниот акт за канонско и евхаристиско единство на ерархијата Охридска црква ( линк од актот) од страна на вселенската Патријашија. Со овој акт, во членот 3, Македонсктата Православна Црква – Охридска Археипескопија самата се откажа од името  Македонија и сите зборови кои произлегуваат од името Македонија. Со овој договор, црквата си доби свој, ‘Преспански Договор’, и се откажува од Македонштината.

Во иднина, ако овој акт се усвои од страна на МПЦ-ОА, секоја официјална комуникација која црквата ќе ја има со било која друга црква, или на официјален документ, ќе се одвива со името Охридска Архиепископија. Никаде нема да фигурира Македонска или било кој збор македонски. Во официјална комуникација и документација со секоја црква во иднина зборот Македонска ќе биде избришан, нема да постои и ќе биден заменет со Охридска.

Во овој контекст го прашуваме неговото блаженство Архиепископот Охридски И Македонски г.г. Стефан, кој ќе биде неговиот титулар во комуникација со Патријашијата? Дали ќе се вика Охридски и Македонски или само Охридски?

Во време на национални  држави и национални цркви, македонската нација ја изгуби државата Република Македонија а сега е на чекор да ја изгуби својата црква Македонска Православна Црква. Сите нации во наше опкружување имаат свои цркви и држави освен нашата.  Кога Македонскиот идентит се спори од Европска Грција и Бугарија, неприфатливо е за Македонската нација да нема таков идентитетски бедем како што е Македонската Парвославна Црква. Ова е нов пораз за македонската нација, пораз кој македонските политички елити го прикажуваат како победа, само затоа што нашата црква ќе може да комуницира и биде признаена како Охридска без да се постигне афтокефалноста. Губитничката политика продолжува.

Свежи се сеќавањата од потпишувањето од Преспанскиот договор кога на ист начин политичките елити се фалеа дека е одличен договор, а еве 4 години потоа, последиците се очигледни, за поголемиот дел од светот ние сме северномакедонци имаме северномакедонски премиер и претседател.

Го замолуваме Синодот на МПЦ-ОА да ја преиспита својата штетна одлука со кој се брише Македонија и зборовите што произлегуваат од зборот Македонија од се што е црковно. Исто така апелираме до делегатите на Архиепископскиот црковен народен собор да го отфрлат актот на Вселенската Патријашија на следниот нивен собир и со тоа да се зачува Македонската Православна Црква – Охридска Арехипескопија, Јустијана Прима

Денес на денот на антифашистичката борба 9 Мај 2022, НовАсном со загриженост ги следи општествените текови во кои возвишувањето на нацистичките соработници е норма а запоставување на борците на анти фашизмот е тренд.

Денеска, балистот и нацистички соработник Џемо Хаса си има име на улица во Гостивар и биста во с. Симница, додека сојузнинкот на Хитлер и Мусолини, Ванчо Михајлов си има свој клуб во Битола. Целата оваа глорификација на нацистичките соработници е покрената од домашната проевропска политичка т.н. елита и од Европска Бугарија, кои лобираа и одобрија овие докажани соработници на нацизмот, да имаат свој белег во општествениот живот во Македонија.

Никој од нашите борци и идеолози, кои се бореа и загинаа за АСНОМ-ска Македонија, не се бореа за да овие нацистички соработници имаат свои обележја во нашата татковина, во Македонија. Под закрилата на светла Европска перспектива и немање алтернативна визија за иднината на Македонија, актуелните домашни политичари со сета своја сила се обидуваат административно да го избришат македонскиот народ, со тоа што преговараат за алтернативен идентитет во преговорите со Бугарија, а сето ова под покровителство  на Европската Унија.

Предлагаме со закон да се забрани глорификацијата на нацистичките соработници и употребата на нивните симболи.

Од друга страна, по многу нешта овие времиња наликуваат како оние од пред 1944 година, времиња кога македонскиот народ  немаше своја држава, кога  сонот за самостојна Република Македонија беше сеприсутен и желбата да се живее слободно очигледна. Победата над фашизмот е наш светол симбол и потврда дека ова актуелно  политичко лудило , неприфатено  од македонскиот народ,  што се потврди и со референдумот на 30 Септември 2018 година, може повторно да се победи со сплотеност, одлучност, знаење и посветеност.

Наша цел е повторно да бидеме победници и затоа ни е потребен НовАсном, за да изградиме нова иднина, нова држава, да изградиме правно општество  каде што секој човек ќе има еднакви можности за просперитетен живот во здрава животна средина.

После забраната за влез на претседателот на НовАсном во Хеленската Република, активисти на организацијата денеска се во Постол- Европска Грција, местото каде што е роден Крсте Петков Мисирков- еден од основоположниците на современиот македонски јазик, автор на првата книга и првото списание на современ македонски јазик. Одовде, му оддаваме почит и благодарност за неговата животна борба за зачувување на македонскиот јазик и за подобра положба на македонскиот народ. Одовде, од неговото родно место, нагласуваме дека Мисирков, во своите писанија користел азбука што е база за денешната македонска кирилична азбука. Авторот на книгата „За македонцките работи“, сметал и напишал дека „ Македонецот не треба да се слева и да се обезличува живеејќи меѓу Бугари и Срби“.

Денеска, во 21 век, македонската нација, за жал се наоѓа во слична ако не и иста ситуација во која живеел Крсте Петков Мисирков, кога на македонците им се бранел македонскиот мајчин јазик. Денеска овде во Европска Грција, и покрај потпишувањето на предавничкиот Преспански договор, соочени сме со силни напади за оспорување на автентичноста на македонскиот јазик а на македонците им се оспорува правото да го изучуваат својот мајчин јазик. Жалосно е што, денеска, кршењето на основните човекови права на македонците во дел од ЕУ е норма.

Ние од НовАсном, даваме завет дека ќе го следиме и ќе го продолжиме делото и борбата на Крсте Петков Мисирков, ќе се бориме и избориме за зачувување на нашиот мајчин македонски јазик и за нашето основно човеково право на самоопределување, право втемелено во повелбата на Обединетите Нации.

Денеска на граничниот премин на Република Македонија со Европската Унија, Богородица кај Гевгелија, на македонскиот државјанин Сашо Маневски, активист за човекови права и претседател на македонската органиација НовАсном, му беше забранет влез на територијата на нашиот јужен сосед. 

Според Маневски, граничната полиција не му дала никакво образложение за причините освен да се обрати до Хеленската амбасада во Скопје.  

Маневски вели, ‘ Ова е срам за Европската Унија, срам за Елеснката репиблика без никаква причина да забраниш влез на еден обичен граѓанин кој сака добро соседски односи со Македонија. Го повикувам МНР и Господинот Министер Османи директно да интервенира во името на правдата и законот

НовАсном внимателно го разгледа извештајот на Стејт Департментот и Министерството за Финансии на САД во врска со блокирање на имотот на Сашо Мијалков и Никола Груевски во САД, нивното назначување како лица кои биле инволвирани во корупција, мито и кршењето на законите поради што, се ставени на листата на санкции на американското Министерство за финансии.

Не навлегуваме детално во процесот на донесување на ваква одлуки и врз кој правен процес, администраторите во САД ја базираат нивната одлука, ниту пак имаме намера да ги браниме лицата Никола Груевски и Сашо Мијалков. Но она што загрижува е фактот дека Министерството за Финансии на САД во графата на националност, ја користи Северна Македонија за лицата Сашо Мијалков и Никола Груевски.

Ваквиот став на Министерството на Финансии на САД е спротивен од одредбата 3.б од Преспанскиот Договор каде што се вели дека „Националноста на Втората страна ќе биде Македонец/Граѓанин на Република Северна Македонија“.

Жалиме што САД не ги почитуваат договорите кои и самите ги поттикнувале и подржувале со што,  самите се ставаат во незавидно хипокритична ситауација која, очекувано, кај граѓаните влева недоврба во политиката која ја спроведуваат на овие простори. Како и да е, го подржуваме фактот што САД не ги почитуваат одредбите од Преспанскиот Договор зошто сметаме дека иститот не само што ќе го поништиме и укинеме, туку прашање е само на време, кога тоа ќе го направиме.

НовАсном се залага за вистински ефикасно и независно судство како најдобар начин да се врати довербата кај граѓаните кон институциите но и за перманентна борба против системската корупција што го „окова“ македонското општество. НовАсном се залага за правичен судски систем, за владеењето на правото и правната сигурност на граѓаните како темелна вредност што треба да го краси нашето општество и секој поединец во државата, без исклучок. 

Правото на самоопределување е основно човеково право втемелено во повелбата на ОН и од тоа право ние не се откажуваме се додека не си ги оствариме нашите национални цели.

Да Живее Република Македонија.

Денеска, забранети организации од Република Бугарија заедно со НовАсном го чествуваа денот на убивството на големиот Македонски Револуционер Јане Сандански овде во Мелник, Република Бугарија. Заедно имаме разбирање дека Македонската нација стои исправена со слични ако не и исти предизвици кои ги имаше Јане.

Јане се бореше за Македонија на Македонците — ние ја немаме Република Македонија, Јане сонуваше за Македонцитеда бидат признаени за она што се. Денеска во дел од Европската Унија основните човекови права на Македонците да го изучуваат својот јазик, да се собираат во културни, религиозни и политички движења им се скратува а серијата на пресуди за кршењето на нивните права пред судот за Човекови права во Стразбург се игнорира, а ЕК не го спроведува занонот на ЕУ и не ги казнува членките на ЕУ кои го кршат основното човеково право на Македонците во ЕУ.

Уште полошо, денеска политичката воља на Македонскиот народ изразена на референдумот од 8 Септември 1991 и 30 септември 2018 не се почитува и неговото основно право на самоопределување не се почитува. Затоа ја немаме Република Македонија

Ние од НовАсном се обрзуваме да го следиме патот  на Јане Сандански и да се избориме за нашите основни човекови права и правото на самоопределување, право втемелено во повелбата на Обединетите Нации. Од патот што го трасира Јане не се откажуваме и ги повикуваме сите патриоти да ни се придружат во нашата борба за да повторно бидеме победници.

Др. Драган Петровиќ од Белградскиот Институт за Меѓународна политика и привреда дава детален приказ за етничката, социолошка и политичка структура на Украина. Се извинуваме на гледачите поради технички проблем крајот на видеото завршува без одјава.

Разговор со Г-дин Бранко Драгаш за сегашната економска ситуација и предстојната криза што надоаѓа и со негови предлог решенија како да се намалат ризиците од истата. Интервјуто наскоро на нашиот Рамбл канал.

На покана на НовАсном, истакнатион геополитичар Др. Петровиќ даде свое видување за Украинската криза и пошироко.

При посетата на Белград, Претседателот на НовАсном, Сашо Маневски имаше средба со сопственикот на Јутјуб Каналот БалканИфно, Г-дин, Теша Тешановиќ. На средбата беа примени совети од Теша за натамошниот развој на Јутјуб каналот на НовАсном и негова промоција во Македонија. Благодарност од срдечниот Теша.

Организацијата НовАсном интензивно ја следи ситуацијата во Украина и искрено жалиме за изгубените човечки животи, за илјадниците бегалци, за уништувањето на градовите низ Украина. НовАсном се залага за почитување на суверенитетот и територијалниот интегритет на Украина. Сметаме дека доследното имплементирање на меѓународното право е обрска која треба да се почитува без исклучок. Потребно е еднаков третман и примена на меѓународното право секаде и од секого.
Во овој контекст со жалење гледаме како нашите политички елити се залагаат за делумно и ограничено спроведување на меѓународнот право. Се прашуваме зошто Господинот Али Ахмети кој го осуди кршењето на меѓународното право во Украина , не го осуди истото кршење на меѓународното право и кршењето на резолуцијата бр. 1244 на ООН и признавањето на Косово?
Која е разликата помеѓу кршењето на меѓународното право со нападот на Југославија и признавањето на Косово, со нападот на Украина и признавањето на Луганск и Донецк?
Зошто господинот Милошоски во својство на пратеник бара почитување на повелбата на ООН кога се работи за Украина, додека како член на поранешна македонска влада го призна Косово и со тоа флагрантно ја прекрши резолуцијата 1244 од ООН?
Свежи се сеќавањата кога нашите сојузници беа неми по пресудата на Меѓународниот суд за Правда дека Грција ја крши времената спогодба
Никој, апсолутно никој од нашите западни сојузници не ја осуди Грција за кршење на меѓународното право. Сега истите тие сојузници со полна уста кажуваат за кршењето на меѓународното право во Украина.
Ваквата хипокризија, лицемерие и дволичност е забележано и од Претседателот Пендаровски кој неодамна изјави, “Голема политичка штета прави тоа што нашите западни партнери по промената на името не ги започнаа преговорите со Македонија”, при тоа мислејќи на ветувањата што западните сојузници им ја дадоа на нашите политичари пред да се смени името.
Не очекуваме дека Престедателот Пендаровски ќе научи лекција од сето ова и ќе ја осуди на пример Грција за кршењето на Меѓународното право, со тоа што се уште на дел од Македонците бегалци од Егејска Македконија не им се дозволува да си ги посетат своите родни огништа.
Сепак знаеме едно, дека сега е вистинскиот момент за нас за да се свртиме кон себеси и имплементираме вистински реформи кои ќе резултираат со градење на правно општество каде што секој индивидуалец ќе има еднакви можности за просперитетен живот во здрава животна средина. Ова подразбира севкупни реформи во Судството, Јавното Обвинителство, Државната Администрација и Уставниот Суд со кој реформи ќе се подобрат условите за живот за сите нас