Во светото писмо стои запишано: ,,Преку ноќта Павле имаше видение: стоеше пред него еден човек, македонец, кој го молеше и му велеше: ,,дојди во Македонија и помогни ни!”
По тоа видение веднаш посакавме да тргнеме за Македонија, бидејќи сфативме дека Господ нѐ повикал таму да го разгласуваме Евангелието.”

Вториот ден од крајот на Петровденскиот пост или кај народот познат како Павловден, векови наназад се одбележува на еден посебен начин во Мијачкиот дел, во манастирот св. Петар и Павле во село Галичник.

И ден денес преку одбележувањето на ,,Галичката свадба” која го манифестира враќањето на печалбарите во родните краишта, а преку пискотот на зурлата и екот на тапанот, преку ситните и бавни чекори на ,,Тешкото” и ехото низ Реканскиот дел, се испраќа силен сигнал за постоење на еден посебен народ со свој фолклор и традиција различни од останатите народи. А за тоа што значи народ говори и преродбеникот, историчарот, војводата и пред и над сѐ Македонецот Ѓорѓија Пулески, кој уште пред 150 години во својот ,,тријазичник на македонски, турски и албански јазик”истакнува: ,, Народ се вељид људи који се од еден род и кои зборувајед еднаков збор, и који живувајед и се другарад еден со други, и који имајед јаднакви обичаји и песни и весеља; тије људите ји викајед народ, а место во које живувад народ се вељид отечество од тои народ.
Така и Македонциве се народ и местово њивно је Македонија.”

И по навршувањето на 150 годишнината од издавањето на овој тријазичник, кај нас ништо не е сменето. Нашето постоење како посебен народ и денес е оспорено од оние кои уште тогаш претставувајќи се како наши ,,браќа” зад грб се трудат да го сотрат нашиот корен. Но едно забораваат, а тоа е дека ова е библиска земја која самиот апостол Павле ја одбрал за да го започне Христојанството во онаа Европа која како блудница демне над нас. И не е можно да се избрише она кое самиот бог го запишал во светото писмо и го оставил ова парче земја да се бори против злото. И тешко е, а ќе биде и потешко, но и самиот Исус бил предаден и распнат од својот ,,ближен”, но воскреснал и со прошка победил. И пак ќе се раѓа плод македонски, се додека го сееме семето наше преку овие култирни манифестации, преку фолклорот и традицијата која јасно не одвојува од сите останати!

Автор, ‚‚Савата‘‘

Гласање за извештајот за Македонија во ЕУ парламентот, потврди непријатни констатации за нашите безалтернативни политички елити кои влезот во ЕУ го гледаат како единствено решение  

Прво, кршењето на основните човекови права и ксенофобична политика против Македонците е длабоко навлезена во Европскиот Парламент а бришењето на македонскиот јазик од извештајот, е доказ за ксенофобичната политика. 

Но, Европскиот Парламент не единсвена институција во креирањето на анти-македонски политики во склопот на ЕУ. Европската Комисија и судот за правда во Луксембург, се исто така коспонзори на антимакедонската политика. За потсетување, НовАсном заедно со забранетиот Македонски клуб од Благоевград, поднесе претставка против Бугарија во Европската Комисија во септември 2023 за кршење на фундаменталните права на граѓаните на ЕУ (член 12), правото на формирање граѓански здруженија. Претставката беше одбиена од Европската Комисија. Потоа поднесовме тужба против Европската Комисија во судот за правда врз иста основа. Судот за правда ја разгледа тужбата против Европската Комисија и се прогласи за ненадлежен да го решава горчливиот проблем. Со ваквите постапки, Европската Комисија заедно со судот за правда, покажаа дека кршењето на основните човекови права на Македонците и неследењето на Европското право внатре во Европската Унија е системска и е навлезена во сите институционални пори во ЕУ. Носители на ваквата антимакедонска политика се грчката и бугарската држава кои ги користат ЕУ институциите за спроведување на нивните политики.  За жал, преку Преспанскиот и Бугарскиот договор, антимакедонската политика е длабото навлезена во нашето општество и последиците ги чуствуваме секојдневно.  
Второ, целокупната политика на ЕУ е безалтернативност, водена од водечкиот македонски политички естаблишмент е стратешка грешка и секојдневно доживува дебакл на сите страни. Тоа се манифестира преку нови бугарски уцени и понижувања или пак понижувања од страна на ЕУ Парламентот. Политичката траекторија наметната под условите содржани во преспанскиот и бугарскиот договор неминовно носи кон правно самоуништување на Македонците.  
НовАсном се залага за бескомпромисно следење на политичката вољја на  Македонскта нација содржана во референдумската вољја од 8 септември 1991 и 30 септември 2018 година како и за креирање на функционално општество каде што секој граѓанин ќе има еднакви можности за лабав живот во здрава животна средина. Ова подразбира превземање на фундаментални реформи како департизација и намалување на државната администрација, тотално независно судство, јавно обвинителство кое вистински ќе се справи со политичката корупција, образование кое ќе креира вистинско знаење, современи здравствени услуги и независна енергетска политика.  
Нашата вистинска и единствена Македонска национална безалтернатива е враќањето на името Република Македонија која ќе почива на АСНОМ-ските, сега избришани принципи. Оваа наша национална безалтернатива е вистинскиот чекор кон подобро утре каде што ние Македонците ќе се чуствуваме свој на свое. Колку побргу ова го спознаеме како нација, толку подобро. НовАсном е подготвен за сите предизвици кон нашиот безалтернативен национален пат наречен Република Македонија.

Сашо Маневски, Претседател НовАсном

Подржано од Наша Македонија, организација од Австралија.

Самитот на НАТО во Холандија донесе уште една потвда дека нашето членство во НАТО, не само што беше прескапа национална губитничка егзибиција, го изгубивме името  против нашата демократска воља изразена на референдумот од 2018 година, туку ќе биде економски понор во кој ние ќе одвојуваме секоја година стотици милиони евра за да ги пумпаме профитите на воените компании на нашите западни партнери. Немањето на наменска домашна воена индутрија налага на ваквиот заклучок.

Одобрената НАТО квота од 5% од БДП за делот во одбраната до 2035 година, која нашата делегација сервилно ја прифати Шпанија ја оспори, спрема БДП од минатата година би изнесувала 767 милони Евра. За споредба, капиталните инвестиции во буџетот од 2025, пред ребаласнот, се 763 милиони евра.

Зголемените трошоци за одбрана ќе предизвика дисбаланс во буџетот и негативно ќе влијае врз онака негативниот платен биланс со странство и зголемување на трговскиот дефицит. Т.Е. ќе се зголеми увозот, ќе увезуваме оружје, на сметка на извозот.

Потенцијални кратења ќе има секаде за да се троши на одбраната наместо на нашиот развој а зголемените трошкови во одбраната ќе наложи кратења на остатокот од буџетот кој не е законски опфтен. Ова подразбира можно кратење на капиталните инвестиции, но не е исклучено кратење во другите области каде што имаме насушна потреба за инвесирање како образованието и енергетиката кои можат и те како да бидат одличен генератор за поголем економски раст и животен стандард на Македонците. Зголемените воени буџетски трошоци на сметка на остатоткот од буџетот е одлична формула за да се осиромашува народот и економски назадува земјава.

1.5% од предвидените 5%, т.е. 230 милиони Евра би биле т.н. ‚НАТО инфраструктурен данок”, наши пари ќе се инвестираат во инфраструктура за тенковите на НАТО брзо и ефикасно поминуваат низ нашата држава. Ќе имаме зацврстени мостови и патишта додека 74% од опадните води нетретирано ќе ги загадуваат реките и езерата, една депонија нема да го процесиира отпадот по современи стандарди а општинската инфраструктура ќе биде крш. Секако политичките елти ќе не убедуваат дека тоа е врвот на нашиот развој како членка на НАТО.

НОВАСНОМ одлучно се спротиставува на следење на еконимски погубната квота од 5% која ќе го успори нашиот економски развој. Наместо трошење за одбраната, инвестициите треба да бидат насочени кон енергетиката и целта да бидеме енергетски независни, комлетна реновација на здравствените капацитети како и нивно кадровско зајакнување.

НовАсном остро ја осудува агресијата врз Иран која е спротивна со сите меѓународни норми за војување, меѓународното правен поредок и воспоставен безбедносен систем според ОН. Нашите стратешки партнери САД, предводени од претседателот Трамп, спротивно на уставот на САД кој вели дека само Конгресот на САД може да објави војна на земја која е сериозна воена закана по безбедноста на САД, го нападна Иран само и само за да ги задоволи домашни политички интереси кои се под влијание на Израелските интереси.

За потсетување, во Март годинава, директорката на Националната Безбедносна Агенција на САД, Тулси Габард, презентираше пред американскиот Сенат дека Иран не гради нуклеарни бомби ниту пак дека иранскиот религиозен лидер дал наредба да се рестартира иранската нуклеарна програма која беше прекината 2003 година. Од друга страна, директорот на Меѓународната Нуклеарна атомска агенција, Рафаел Гроси, потврди дека нема доказ дека Иран гради нуклеарно оружје. Со ова се потврдуваат лажните аргументи за нова војна од страна на западните сили предводиени од Израел.

Пред Иран да биде нападнат, САД беше во шеста рунда преговори со Иран за својата нуклеарна програма и се имаше осет дека американската дипломатијата ќе обезбеди решение за иранските нуклеарни амбиции имајќи иранска согласност за тоа. Неочекуваниот и непровоциран напад врз Иран е само потврда дека САД не се стабилен меѓународен преговарачки партнер кој не може да спроведе договор. Додатна констатација на досегашното конто на американсата димпломатија која го спроведе бобмаридрањето на Југославија и нелегалното отуѓување на Косово, бомбардирањето на Либија, Сирија и редица други земји. Со ова се потврдува тезата дека надворешната политика на САД е немелнива без разлика дали на нејзино чело ќе дојде претседател од редовите на демократите или пак репубиканците од чии редови е претседателот Трамп.

НовАсном ja поздравува секоја стратешка инвестициска иницијатива која ќе значи придонес во економскиот раст на Република Македонија. Оттука, ја поздравуваме иницијативата на владата за градење брза пруга Гевгелија – Табановце, но, сметаме дека таа, ќе биде неисплатлива инвестиција и лесно може да биде голема пречка за нашиот иден економски развој.
НовАсном направи анализа на плановите за развој на железничката пруга Солун до Идомени, на грчка граница, при што веднаш станува воочливо дека грчката страна не планира градба на пруга со две линии од Солун до границата со Македонија. Наместо тоа, планирана е санација и модернизација на постоечката единечна траса и достигнување на максимална брзина од 160км/час. Ова соодветствува со предвидената брзина на пругата Гевгелија до Табановце. Но ако од наша страна се изгради двојна пруга кога на грчката страна имаме единечна пруга, тогаш инвестицијата во втората пруга од наша страна е губитнички потег и беспотребно давање пари кое ќе предизвика т.н. тесно грло во делот од Солун до Идомени. Тоа значи дека ние, ќе изградиме пруга со два колосека која скапо ќе не чини и која нема да донесе соодветни приходи ( ќе биде понепрофитабилна) заради единечната траса од грчка страна. Предвидената изградба на двојна пруга е неоптимално трошење на појзамените пари за градба на истата, и го прави проектот понеисплатлив имајќи ги во предвид лимитираните капацитети на единечната пруга од грчка страна.  
НовАсном и предлагаа на владата, добро да ги обмисли чекорите во таа насока и да прејде на фазно градење на пругата Гевгелија-Табановце. Предлагаме да се изгради единечна пруга во прва фаза, да се разработи коридорот десет и кога капацитетот на истиот ќе биде достигнат, тогаш да се прејде на изградба на втората пруга по истата делница. Ваквиот начин на градба овозможува лимитирање на финансиските, опереативните и градбените ризици и ефективна употреба на појзамените пари за градба на пругата.  
Во тој контекст, НовАсном ја подржува иницијативата на Здружението на инженери на Република Македонија, за дислокација на сегашната предвидена железничка траса и градење на нова железничка траса која нема да го попречи идниот развој на проектот Вардарска Долинa. Сегашните планови за градба на брзата пруга го оневозможува идниот стратешки економски проект ‚Вардарска Долина‚ зошто идната изградена двојна железничка траса ќе оневозможи развој на проектот Вардарска Долина.
Доста е од непрофитабилни проекти во Република Македонија кои само им носат, долгорочна штета на граѓаните и лимитиран бенефит. 

Во Прилог повелете линкови од развјоните планови за пругата Идомени до Солун

https://www.railwaypro.com/wp/thessalonikis-strategy-for-2030/?utm_source=chatgpt.com

https://www.railwaypro.com/wp/alstom-to-deliver-signalling-systems-in-greece/?utm_source=chatgpt.com

Во атачмент повели детална финансиска анализа што направена од Сашо Маневски врз база на пресметките што професорот Дејан Трајковски ги подготви. 

На народот на Ленка и Рацин, на Тутуноберачите и Печалбарите му го честитаме од се срце денот на трудот.

Во годината на падот на УСАИД, потсетуваме дека творештвото на овој народ умеело да ги жигоса подеднакво кодшот и дембелот, измамникот и скржавецот. И денес, кога се сеќаваме на стихот на библијата – во потта своја ќе го печалиш својот леб – не можеме а да не го поставиме повторно прашањето. Како дојдовме до тоа, вредниот и чесниот да црвенеат пред децата и ближните, а измамникот и лукавиот да бидат препознати како врв на општествениот и стопанскиот успех?

Во името на трудот, во името на честа, во името на потта, го поздравуваме народот на трудбениците, на жетварите и на работниците.

Да ни живее трудот!

Вчера, 27 Април, 2025, НовАсном положи цвеќе во Мелник на споменикот на Јане Сандански и покрај бројните бугарски провокации. Јане е нашата инспирација за нашата борба за ослободување од ропството наречено Северна и враќање на нашето достоинство и самопочит. Нема откажување од оваа наша Света Цел се додека не ја постигнеме истата. Следете не за да повторно бидеме победници…

НовАсном со вџашеност ја прими веста за анти-рускиот самит во престолнината на православна Романија на кој што се бара потполно збришување на руската држава од лицето на планетата земја. Подршката на безброј честопати најминорни ако не и фиктивни организации на малубројни етнички групи, а кој доаѓа од истакнати стратешки мислители од тип на Јануш Бугајски добива на овој начин тежина и легитимитет кои никако не ги заслужува. Апелираме во овиде денови на велигденска радост до братскиот православен романски народ да ги препознае и отфрли надворешните паразити. Во исто време, ја повикуваме македонската политичка класа да ги обнароди сите дипломатски контакти кои ги има со вакви парадипломатски структури.

https://www.freenationsrf.org/en

Вчерашната изјава на еврокомесарката за проширување Марта Кос дека нема гаранции за нови условувања на нашиот пат кон ЕУ е уште една потврда за безидејната надворешна политика на Владата на Република Македонија.

Таа се темели на барањето гаранции за предвидливост на нашиот пат кон ЕУ наспроти можните идни уцени од страна на соседите. Главната досегашна надворешна политика координирано водена од Премиерот, Претседателот и Министерот за надворешни работи се состоеше од дипломатска офанзива за исправноста на нашите ставови, при тоа игрнорирајќи го начинот на носење одлуки во ЕУ, значењето на поимот гаранции и политичката воља на Македонскиот народ.

Да бараш гаранции за својот идентитет од страна на институциите на ЕУ или пак одредени членки е апсурдно затоа што не постојат гаранции во меѓународните односи. Истите не се издаваат од страна на унијата, ниту пак земјите членки практикуваат давање гаранции.

Ова барање го игнорира принципот на носење одлуки со консензус во Советот на Министри – тело кое првенствено носи политички одлуки, а второстепено – меродавни, базирани на исполнување на поглавјата во преговори со ЕУ.

Изјавата на Кос само ја потврди ваквата безидејна и погрешна надворешна политика заснована  на игнорирање на интересот на Македонскиот народ демократски изразен на референдумите на 8 Септември 1991 и 30 Септември 2018 година кои гласеа: не во ЕУ под името Северна Македонија.

Кога на сево ова ќе ја додадеме изјавата на Министерот за Надворешни работи на Бугарија, Георг Георгиев, дека внесување на Бугарите во уставот не е единствениот услов за преговори, тогаш се комплетира сликата за нашата политичка елита, позиција и опозиција. Двете најголеми македонски партии  водат погрешна надворешна политика која резултира со подреденост и пониженост во однос на соседите на патот кон ЕУ. При тоа се запоставуваат важни потенцијални алтернативни економски развојни можности и развивање на структурни реформи во образованието, здравството и во државната администрација.

НовАсном смета дека барањето алтернативни економски решенија е дел од економскиот прогрес на Македонија имајќи го во предвид спориот раст на ЕУ. Македонскиот извоз на европскиот пазар во 2024 година е намален за повеќе од 5% во однос на претходната 2023 година.

Во тој контекст врвен приоритет треба да биде постигнување на договор за слободна трговија со Кина од каде што увезуваме повеќе од една милјарда евра годишно и тоа токму за производи за широка потрошувачка. Со укинување на царините на производите од Кина ќе се намалат цените на проиводите кои граѓаните ги користат најмногу. Оваа мерка е многу поефикасна од обидите за  ограничување на маржите или пак за замрзнување на цените на мало што владата очајно се обидува успешно да ја спроведе.  

НовАсном со загриженост го набљудува процесот на вооружување на Европскиот Континент. Потсетуваме дека за прв пат после 1945 година, ѕвецкањето со оружјето на големо навлегува во Европските држави. Во тој поглед потсетуваме на трагичните последици на сите претходни милитаризации во последните неколку века. Ја поздравуваме акцијата на движењето, ‘Пет Ѕвезди‘ во Италија, кои први го кренаа гласот против ова лудило. Ја повикуваме македонската јавност да ја избере страната на мирот. Единствениот избор на малите правдољуби и слободољубиви народи.

НовАсном ги анализираше последните владини мерки во однос на потрошувачката кошничка и лимитирање на маржите и смета дека само преку оптимални пазарни услови и здрава конкуренција пазарот може да постигне најниски цени на производите што ги нуди. Тоа е есенцијата на пазарната економија која природно гарантира најмали цени на производите и услугите.

Во тој контекст последните владини мерки на лимитирање на бруто профитните маржи и  замрзнување на цените  на дел од прехрамбените производи, што се докажано не ефикасни економски мерки кои не резултираат со саканите ефекти, во исто време додатно ги оптоваруваат фирмите кои се опфатени од истите не ефикасни владини мерки.

Нашето тврдење, кое е истористи докажано и се учи во основите на макроекономијата, е поткрепено и со податоците од статистиката која вели дека минатата година инфлацијата беше на високо ниво од 4.4% и поред тоа што имаше две рунди на лимитирање на маржите на продуктите во малопродажба се со цел да се намали инфлацијата.

Како додатен негативен фактор кој ја прави владината мерка не ефективна е големиот увоз на храна во вредност од милјарда и шеесет и седум милиони евра годишно. Цената на оваа храна е увозна и владата не може да ја котролира увозната цена која во минатото беше извор на инфлацијата а со тоа ја прави владината мерка додатно не ефикасна.

Познати несакани ефекти на оваа не ефикасна владина мерка се и недостатокот на намирници во маркетите и ценовната варијација пред владината мерка да се имплементира кои највеќе го осеќа нашиот напатен народ. Зголемување на сивата економија во делот на производи на мало на сметка на намалениот промет на маркетите е уште еден не сакан ефект кој дирекнто го намалува полнењето на буџетот.

Главен фокус на борбата за еднакви пазарни услови кои гарантираат најниски пазарни цени е борбата против сивата економија и фокус на работата на државната пазарна инспекција кон зелените пазари и нивна задолжителна фискализација.  

Ослободувањето на царините на храната од увоз е уште едно ефективно решение за кое се залагаме. Со оваа мерка потенцијално ќе се намалат цените на храна која ја увезуваме во вредност од една милјарда евра на годишно ниво.

Со примена на овие две економски мерки ефектот врз цените ќе биде многу поголем него досегашните докажани не ефективни мерки.